A última película galega de animación en 3D estrearase no vindeiro outono

O día que Mumu, unha inxenua vaca de trapo, descobre un branquísimo rabaño de ovellas pastando no parque onde ela xoga cos seus amigos, non pode evitar comparar o seu níveo aspecto co deles, que foron confeccionados con todo tipo de tecidos pasados xa de moda.
Trátase de A tropa de trapo, os protagonistas da última película de animación en 3D feita no noso país, dirixida por Álex Colls e coproducida por Anero Films, Continental animación e Abano produccións, que aposta pola inclusión de voces de nenos e nenas de verdade para darlle vida a Mumu e aos seus peculiares amigos.
A tropa de trapo, tal e como nola definen dende o seu berce, “é un grupo de irresistibles mascotas que intentará seducir, coa sinxeleza dun pequeno conto, aos nenos e nenas que están espertando ao mundo, e atrapalos nunha divertida aventura que, ademáis de entretelos, axude a consolidar neles valores como a importancia de aceptarnos e querernos tal e como somos”.
O films é unha longametraxe de animación 3D stereoscópico en cor-35 mm, de 85 minutos de duración, que contou coa participación da Televisión de Galicia para a súa creación.
O equipo técnico está formado pola guionista Lola Beccaria, a produtora executiva Chelo Loureiro e os produtores Pancho Casal, Alex Colls e a mesma Chelo Loureiro.
Da B.S.O encargouse Zeltia Montes e da distribución é responsable Altafilms
A película, que conta co apoio de ICAA, a Xunta de Galicia e o ICO, estrearase no vindeiro outono.