Preto do 17 por cento da poboación de Vilasantar está rexistrada no seu Centro de Dinamización

A Rede de Dinamización da Sociedade da Información continuou no pasado mes de novembro co seu traballo decidido a prol da inmersión da sociedade galega nas Novas Tecnoloxías en Vilasantar, onde no mes que remata se impartiron un total de 3 obradoiros tecnolóxicos, para formar a 14 persoas ao longo de 30 horas.
Os obradoiros impartidos este mes foron Correo electrónico, Procesador de textos: Writer e Manexo da cámara dixital. Cabe tamén destacar outras actividades levadas a cabo como a charla Trámites co Sergas na Internet, que poñen de manifesto a grande diversidade formativa que oferta a Rede nesta e outras localidades.
Asemade, 3 novas persoas inscribíronse como usuarias da Rede para poder aproveitar (coma sempre de balde) as instalacións e todas as iniciativas que esta oferta nas horas de aula aberta, unha aula que foi utilizada nun total de 188 ocasións.
En canto aos números xerais da Rede, desde que botara a andar neste concello de Vilasantar en febreiro de 2008, foron xa 239 os usuarios e usuarias que fixeron o carné da RDSI, o que supón preto do 17 por cento da poboación desta localidade. Neste tempo leváronse a cabo 54 obradoiros nos que se formou a 299 participantes. Aínda que os obradoiros son a principal actividade formativa que oferta a Rede, tamén se fixeron 10 charlas e 3 iniciativas, nas que participaron 53 persoas.
Por outra banda, o Centro de Dinamización de Moaña, a cargo do que se atopa Ana María Pérez, rematou o mes de novembro superando as 60 horas de formación tecnolóxica, nas que se impartiron un total de 5 obradoiros tecnolóxicos que formaron a 31 persoas e que se estenderon ao longo de 64 horas.
Asemade, levouse a cabo unha charla, a cal, baixo o nome Menores na Internet, os asistentes coñeceron de primeira man as pautas básicas de control sobre o acceso á Rede dos más cativos para que estes poidan acceder ás súas páxinas favoritas da maneira máis segura.
En canto aos números xerais da Rede, desde que botara a andar neste concello de Moaña no ano 2007, foron xa 395 os usuarios e usuarias que fixeron o carné da RDSI. Neste tempo leváronse a cabo 84 obradoiros, que se estenderon ao longo de 701 horas e nos que se formaron 469 participantes.